Sri Vinayaka Ashtottara Shatanama Stotram – śrī vināyaka aṣṭōttaraśatanāma stōtram
vināyakō vighnarājō gaurīputrō gaṇēśvaraḥ |
skandāgrajō:’vyayaḥ pūtō dakṣō:’dhyakṣō dvijapriyaḥ || 1 ||
agnigarvacchidindraśrīpradō vāṇīpradāyakaḥ |
sarvasiddhipradaḥ śarvatanayaḥ śarvarīpriyaḥ || 2 ||
sarvātmakaḥ sr̥ṣṭikartā dēvānīkārcitaḥ śivaḥ |
siddhibuddhipradaḥ śāntō brahmacārī gajānanaḥ || 3 ||
dvaimāturō munistutyō bhaktavighnavināśanaḥ |
ēkadantaścaturbāhuścaturaḥ śaktisamyutaḥ || 4 ||
lambōdaraḥ śūrpakarṇō harirbrahmaviduttamaḥ |
kāvyō grahapatiḥ kāmī sōmasūryāgnilōcanaḥ || 5 ||
pāśāṅkuśadharaścaṇḍō guṇātītō nirañjanaḥ |
akalmaṣaḥ svayaṁ siddhaḥ siddhārcitapadāmbujaḥ || 6 ||
bījāpūraphalāsaktō varadaḥ śāśvataḥ kr̥tī |
dvijapriyō vītabhayō gadī cakrīkṣucāpadhr̥t || 7 ||
śrīdō:’ja utpalakaraḥ śrīpatistutiharṣitaḥ |
kulādribhēttā jaṭilaścandracūḍō:’marēśvaraḥ || 8 ||
nāgayajñōpavītī ca kalikalmaṣanāśanaḥ |
sthūlakaṇṭhaḥ svayaṅkartā sāmaghōṣapriyaḥ paraḥ || 9 ||
sthūlatuṇḍō:’graṇīrdhīrō vāgīśaḥ siddhidāyakaḥ |
dūrvābilvapriyaḥ kāntaḥ pāpahārī samāhitaḥ || 10 ||
āśritaśrīkaraḥ saumyō bhaktavāñchitadāyakaḥ |
śāntō:’cyutārcyaḥ kaivalyō saccidānandavigrahaḥ || 11 ||
jñānī dayāyutō dāntō brahmadvēṣavivarjitaḥ |
pramattadaityabhayadō vyaktamūrtiramūrtimān || 12 ||
śailēndratanujōtsaṅgakhēlanōtsukamānasaḥ |
svalāvaṇyasudhāsārajitamanmathavigrahaḥ || 13 ||
samastajagadādhārō māyī mūṣakavāhanaḥ |
ramārcitō vidhiścaiva śrīkaṇṭhō vibudhēśvaraḥ || 14 ||
cintāmaṇidvīpapatiḥ paramātmā gajānanaḥ |
hr̥ṣṭastuṣṭaḥ prasannātmā sarvasiddhipradāyakaḥ || 15 ||
aṣṭōttaraśatēnaivaṁ nāmnāṁ vighnēśvaraṁ vibhum |
yaḥ pūjayēdanēnaiva bhaktyā siddhivināyakam || 16 ||
dūrvādalaiḥ bilvapatraiḥ puṣpairvā candanākṣataiḥ |
sarvānkāmānavāpnōti sarvavighnaiḥ pramucyatē || 17 ||
iti bhaviṣyōttarapurāṇē vināyakāṣṭōttaraśatanāma stōtram |
